Search Bhojpurisangeet आपन गीत खोजी

Bhojpuri Gazals collection

(1)

Bahut nach jinigi nachawat rahal/
hasawat,khelawat, roaawat rahal

kaha kho gail ab u dhun pyar ke/
je hamara ke pagal banawat rahal

Bura wakt me u badaliye gail/
je hamara ke aapan batawat rahal

Banhail kaha u kabo chhand me/
je hamara ke hardam lubhawat rahal

Uho aaj khojat ba rasta hajoor/
je sabhaka ke rasta dekhawat rahal

Jamine pa ba aadmi ke wajood/
tabo man-parinda udawat rahal

Kabo aaj le na rukal e kadam/
bhale mod par mod aawat rahal

Likhe me bahut pran tadapal tabo/
ghazal-geet ''BHAWUK'' sunawat rahal

*********
(2)

Wakt jiwan me aisan na aawe kabo /
Baap beta ke arthi uthawe kabo

Roshani aaj le bhi na pahunchal jaha/
Kehu uhawo ta diyari jarawe kabo

Sab banalke ke kismat banawe inha /
Kehu bigadal ke kismat banawe kabo

Je bhi aail safar me dukhe de gail /
Kehu aail na hamake hansawe kabo

Hamara har koshika me samail ba je /
Kash hamara ke aapan banawe kabo

A-ada me bhi sangit baate , sanam /
Rus jai ta kehu manawe kabo

Sabaka godi ke'' BHAWUK '' khelawana bane /
Kash bachapan ke din laut aawe kabo



*****
(3)

Julm ke samne chup rahal/
e-ta jiyate-jiyat ba maral

Ho gail bate sanki mahal/
ab kare ke padi kuchh pahal

bhikhmanga sadak par sutal/
jaise baloo pa machhari padal

sanch ke sath debe bade/
khud se aksar lade ke padal

Jeke patthar me khojat rahi/
u ta dhadakan me hamara milal

Ab ta''BHAWUK'' ho tohra bina/
do kadam bhi ba muskil chalal
(4) ********

Hiya hamar tar-tar ho gail/
bekar me hi aankh char ho gail

Nazar-nazar ke aar-par ho gail/
ta tej shayari ke dhar ho gail

Mana kail gail je kam mat kara/
uhe ta kam bar-bar ho gail

Hiya hiya se a tare milal ki ab/
uhe hamar ghar-duaar ho gail

tohar sath chhotate e ka bhail/
dhuaa-dhuaa uthal anhar ho gail

u bewapha kahi na chain pa sake/
je chain loot ke pharar ho gail

************
(5)

Dukh-darad ya hansi ya khushi,
je bhi duniya se hamara milal/
uhe duniya ke saupat hai,
aaj deke ghazal ke sakal


Jab bhi umadal hiya ke nadi,
pyar se,chot se,ghat se/
badh ke pani bhariye gail
man ke chawara me banke ghazal


Raat ke kokh me bate din,
din ke bhitar chhupal bate raat/
gum ke bhitar khushi ba aur
har khushi lor me ba sanal



Baat mana na mana magar
kuchh na kuchh baat bate tabe/
paw me hamara kanta chubhal,
dard tahara hiya me uthal


Hum ta ''BHAWUK'' ,ghazal-geet me,
chhand ke bandh me band ho
baat kahali bahut kuchh magar
ba bahut kuchh abhi ankahal
************

(6)
Paresan rahala se ka phayda ba/

jarurat ba aaphat se dat ke lade ke/

saphar se na ghabara ke,khud ke samharat/

ba toopha se takara ke aage badhe ke

Kadam-dar-kadam deg aage badhawat/

saphalta-viphalata ke mathe chadhawat/

diwaran pa gir-gir chadhat chiutiyan ke/

tarah hausala rakh ke upar chadhe ke


Je rukal, je jamkal, se gadahi ke pani/

u kehu ke kame na aai jawani/

nadi ke tarah pyas sabhakar bujhawat/

jarurat ba path par nirantar bahe ke



Pate na chale kab chubhal kant kahawa/

rakhe ke padi kuchh nasha ah tarah ke/

agar kamyabi ke chahat ba '' BHAWUK''/

agar ba amawas ke poonam kare ke


************

(7)

Gazabe mukkadar ho gail/
gadahi samundar ho gail

Sathi ta tangari khich ke/
hamara barabar ho gail

Gharahi me sixser tan ke/
babuaa sikandar ho gail

Raja madari kab banal/
jab log banar ho gail

''BHAWUK'' kaha bhawuk rahal/
iho ta patthar ho gail
**********


(8)
Hajar gum me rahele mai /
Tabo na kuchhuo kahele mai

Hamar babuaa phare-phulaye /
Ihe ta mantar padhele mai

Hamar kapada,kalam aa kapi/
Saint- saint ke dharele mai

Banal rahe ghar,bante na aangan/
ahi se sabhakar sahe le mai

Rahe salamat chirag ghar ke/
ihe duaa bas karele mai

Badhe udasi hiya me jab-jab/
bahut-bahut man parele mai

Nazar ke kanta kaheni raura /
Jizar ke tukara kahele mai

"MANOJ" hamara hiya me hardam /
Khuda ke jaisan rahele mai


(9)


Baat tohra se batai ta batai kaise
Baat tohra se chhipai ta chhipai kaise

Baat kagaz le rahit tab ta aur baat rahit
Baat dil par se mitai ta mitai kaise

Jeth ke gham me chhat par se u dekha-dekhi
Baat bachapan ke bhulai ta bhulai kaise


Ab hiya me ba chadhat jat nirasha ke zahar
Aash ke phool khilai ta khilai kaise

Aag bahar ke na, bhitar ke ha e, a-bhai
Ah se apana ke bachai ta bachai kaise

Baat ghazale me kahat bani hiya ke apana
ka kari man ke manai ta manai kaise
*********


(10)

Daya-baya aankhe me na, ang-ang me phadaka
Hum tohara dil me dhadaki, tu hamara dil me dhadaka

Hum dharati rani ban jai, tu chha ja aakash par
Badari ban ke pyas bujhaw,bijuri ban ke kadaka

Lal chunariya, lal sej ba, lal roshani bate
A-dulha tani sambhal ke bhai, aise mat tu bhadaka

Khali chehare mat dekha, man ka bhitar bhi jhanka
jekara dil me kai bate okara ke tu jhidaka


Pyar hi kaile bani, kawano chori naikhi kaile
a-duniya ke logan hamake aise mat tu ghudaka


(11)

Aajkal ke aadami ketna phisaddi
muchh par na taw na ridhe me haddi


Gulli-danda,dolha-pati gum bhail ab
Gum bhail ab gaw se chikka-kabaddi


Aib sara mit gail beti ke unka
ganj dihalan tilak me gaddi pa gaddi


gaw me na, ja tu ab sansad-bhawan me
man kare dekhe ke jo chikka-kabaddi


Sath ke sab log ab katat ba chani
ago BHAWUK rah gail bate phisaddi

**********


(12)
Hiyara me phool ban ke khile kauno-kauno baat/
hiyara me shool ban ke hale kauno-kauno baat

Jajbat par yakin kail bhi ba ab gunah/
dil me utar ke dil ke chhale kauno-kauno baat


Galati se paw rakh me padate pata chalal/
barisan le aag ban ke jale kauno-kauno baat

Rakh dela man ke mod ke , jinigi sawar ke/
tatkal dil me lage bhale kauno-kauno baat

Pal-pal ke u bechaini, chhup-chhup ke u milal/
taumra yaad ban ke chale kauno-kauno baat

Anubhaw naya-naya mile''BHAWUK'' ho roj-roj/
par geet aa ghazal me dhale kauno-kauno baat
********


(13)

Naya-naya sansar me bani sat samundar par /
Bakir hiyara me bate, ihawon tahare sansar

Jinda rakhiha aapna man me hamara khatir pyar
Hum duniya me aaib tahara khatir sau-sau bar

Rok na lebe hamara ke kehu ke chhalakat aankh
Chalani ta pichhe mud ke dekhani na ako bar

Ago rajkumari ke aksar aawat ba phone
kab le aiba laut ke, bola-bola rajkumar

Majboori me hi chhichhiyala kehu des-videsh
na ta sabhaka bhawe apna ghar ke roti yar

A-babuaa naikhe hamara dollar-phalar ke kam
Raha aankh ke sojha hardam mai kahe hamar

******


(14)

Sabaka hiya me dhadakat , jinigi ke duaa tuhi/
sabaka hiya me tadapat , mauwat ke hawa tuhi

Sukh ke bhale na hokha, dukh ke ta sakha tuhi/
sab or se thakala par aapan ta khuda tuhi

Bate e kahal muskil, ke gair ke aapan ba/
mausam ke tarah badalat , ristan me saga tuhi

Rasta ke pata naikhe, manjil ke pata naikhe/
jaye ke jaha bate , oh ghar ke pata tuhi

Jinigi ba aujiaail , har or dhuaa bate/
ah ghor anhariya me aasara ke diya tuhi

Tohara se chhupai ka, tohara se batai ka/
je rog lagal bate okar ta dawa tuhi

''BHAWUK'' ho e sache ba,jarale pa kahe duniya/
sulagat a dopahari me sawan ke ghata tuhi

************

(15)

Har kadam jiye-mare ke ba iha/
Sans jab le ba, lade ke ba iha


Zindagi jiye ke maksad khoj ke/
khwab ke moti jade ke ba iha


Swarg ihawe ba, narak bate ihe/
je kare ke ba, bhare ke ba iha


phool me tashak ke sansay har ghari/
ab ta khushaboo se dare ke ba iha


Zindagi tuphan me ago diya/
timtimate hi jare ke ba iha


Sukh ke moti-seep ke talash me/
dukh ke dariya tay kare ke ba iha


Zindagi ke sanch bus bate ihe/
ak din sabhka mare ke ba iha

*******

TASHAK[ TACHHAK]-----A HISTORICAL SNAKE ,RELATED TO KING JANMEJAY.

****


(16)

Hadsa kuchh ah tare ke ho gail/
log dusman ab ghare ke ho gail

Rop gaile beej baba bair ke/
saat pustan tak lade ke ho gail

Ab gilahari na rahi ah gachh par/
wakt patain ke jhare ke ho gail

Jab se lathi gaw ke mukhiya banal/
sadh ke chhutta chare ke ho gail

Aankh me kuchh phir uthal ba lalsa/
aankh me kuchh phir mare ke ho gail

Pyar ke ab jurm chahe je kare/
nam ''BHAWUK'' ke dhare ke ho gail
********



(17)

Kaisan-kaisan kam ndhail bate internet par
'mouse'' dhaile log dhdhail bate internet par

Search kari je chahi raura gharahi baithal-baithal ab
sab ke website chhitarail bate internet par

Bedekhal, bejanal chehra se bhi pyar-muhabbat,ab
ajabe-gajabe mantra marail bate internet par

Jab-jab caffe wala kahalas-server down ba malik
tab-tab bahute man bikhiaail bate internet par

Rus,Canada,Chin,Germany,Bharat ,U.S ya London
ak sutra me log banhail bate internet par

Shali se jab puchhani ,kaho dulha katahu set bhail
kahali u muskat ''khojail bate internet par''

Man ke angana me gunjat ba BHAWUK ho tohare vanshi
Goriya ke love-letter aail bate internet par


*************


(18)


Je rag man me bate, sur par sadhat naikhe/
kahe do bat man ke, yare kahat naikhe

Kahiye se je ba baithal,bhitar sama ke hamara/
haharat hiya ke dhadkan okare sunat naikhe

Badalaw ke uthal ba aisan na tej aanhi/
kahawa e god jata, kuchhuo bujhat naikhe

Dariyaw umra ke ab ''BHAWUK'' uphan par ba/
hamara se banh ah par banhale banhat naikhe

*********


(19)


Ghazal zindagi ke gawaye ta deti
Diya sadhna ke baraye ta deti

Kaha mangtani mahal,sona, chani
Tutalki palaniya chhawaye ta deti

Kaha saph laukat ba kehu ke soorat
Talaiya ke pani thiraye ta deti

Ba jaye ke sabhaka, ta hum kaise banchab
Magar ka ha jinigi, bujhaye ta deti

Likhai, tabe loor aai likhe ke
Magar raura chichari paraye ta deti

Machal aaj BHAWUK ke dil me ba halchal
Hiya me hiya ke samaye ta deti
*******


(20)



Jai ta jai hum kaha aage
door le ba dhuaa-dhuaa aage

Roj pichha karile hum bakir
roj badh jala aasma aage

ke tare chain se rahi kehu
har kadam par ba imtaha aage

ek muddat se chal rahal bani
panw ke tahre ba nisha aage

man ta bahute bhail je kah di hum
par kaha khul sakal juba aage

Toot jala agar hiya BHAWUK
kuchh na lauke iha-uha aage


(21)
Aakhir juba ke baat kalam me sama gail/
gazalo me hamara zindagi ke rang aa gail

Barisan se je daba ke hiya me rahe rakhal/
achake me aaj baat u kaise kaha gail ?

Unka se kawano jan bha pahchan na rahe/
bhaile magar u door ta man chhatpata gail

Ah zindagi ke rah ke hoi ke hamsaphar/
sochat me raat baat e man kasmasaa gail

Ab le na zindagi se mulakat ho sakal/
u sathe sath jab ki bahut door aa gail

Kaise bhoola saki kabo u madbharal ada
jawana nigahe-noor pa ''BHAWUK'' loota gail



(22)

Hamara chuppi ke matlab lagawal gail
hamake magrur bahute batawal gail

e-lakam ta virasat me bate milal
kabahu roaa na hamase girawal gail

Dhanuhi ban na sakal ridh-rajju kabo
hamake har mor par aajmawal gail

Naikhe ahsas ,jajbat, dhadkan jaha
jakhm uhawa anere dekhawal gail

dard alphaz me dhal gail ose-ka
geet patthar ke kahe sunawal gail

JANE KA-KA DO MAN ME PHUTAT BA RAHAT
JAB SE SHADI KE CHARCHA CHALAWAL GAIL

(23)
Kant ke sath ba gulab a-dost
Zindagi ke ihe hisab a-dost

Aaj tak padh sakal kaha kehoo
Zindagi ke kathin kitab a-dost

Hum ta gumrah hoke rah gaini
rah gail ab ta khwab khwab a-dost

Zindagi ke bhail rahe bima
hot ba lash ke hisab a-dost

Pyar ke bij kaise ankurela
ke di ah prasn ke jabab a-dost

Pyar khatir ta sachcha dil chahi
ab utara tu e nakab a-dost

Aaj didar na bhail unkar
aaj kismat rahe kharab a-dost

Aaj bhi dayri me rakhal ba
khat me bhejal uhe gulab a-dost

******


(24)

Ka karit jo iho karit na ta
Loot ke pet u bharit na ta


Phaat jait karej kahiye e
Aankh se dard jo bahit na ta


Toot jaiti, bikhar-bikhar jaiti
Neh apanan ke jo milit na ta


Log kahiye ukhar ke phekit
per jo aaj e pharit na ta


Na kabo aa sakit naya mojar
Daal se paat jo jharit na ta
******



(25)

Aankh se kuchh kasar ho gail/
umra ke kuchh asar ho gail

Baat par baat khuliye gail/
aaj sabhka khabar ho gail

Aankh se jam ke baris bhail/
saph dil ke dahar ho gail

Lor ponchhat ba kehu kaha/
gaw apano shahar ho gail

Ab chalal rah muskil bhail/
lobhi sabke nazar ho gail

Tahara pichha surila rahe/
samne maun swar ho gail

Ab akele kaha bani hum/
jab ghazal humsaphar ho gail

************


(26)


Kant hi kant ba jo dagar me/
phool hi phool rakhi nazar me

Man bana ke na dekhi ude ke/
jan apane se aa jai par me

Kuchh bharosa ta unko pa rakhi/
je basal bate sabka jigar me

Der hoi magar din u aai/
jab khushi nachi aangan me,ghar me

Hausala,aas, viswas rakhi/
hoke nirbhay chali ah saphar me



(27)
Sher jaal me phas jala ta siyaro aankh dekhawela/
bura wakt jab aa jala ta anharo rah batawela

Kabo-kabo hola aisan je chhotake kame aawela/
dekhi na sagar, inar me, inare pyas bujhawela

Suraj se takatwala ke bate duniya me bakir/
dhundh, kuhasa,badari,garahan unko upar aawela


Kabo-kabo hola aisan je sona uhawe nikalela/
badguman me log jaha par laat mar ke aawela

Pass rahela tab ta tahara se hola ragara-jhagara/
door kahi jala ta kahe tahare yad satawela

Patna se Delhi, Delhi se Bambe,Bambe se Pune/
'' BHAWUK'' ho aaur kuchhuo na, paise nach nachawela

***********


(28)

Hamara viswas bate ki hum ak din/
apana sapna ke sakar karabe karab/
lakh ghero ghata aa kuhasa magar/
ban ke suraj kabo ta nikalabe karab


Har dagar ba naya, har gali ba naya/
log anjan ba, har shahar ba naya/
hausala ba magar, pas me ba jigar/
jahawa jaye ke bate pahunchabe karab


Pet se sikh ke kehu na aawe kuchh/
ago apawad abhimanyu ke chhod di/
sikhate-sikhate log sikhe iha/
than li jo sikhe ke ta sikhabe karab


Pahile manjil chuni soch ke door le/
rah phir tay kari yojana ke tahat/
leke bhagawan ke nam chalate rahi/
sochate e ki hum kar gujarabe karab


Bich dariyaw me aake laute ke ka,/
pichhe mud-mud ke dekhe ke, soche ke ka/
je bhail se bhail, je gail se gail/
par utare ke ba ta utarabe karab


Maut mandir me, masjid me, bajar me/
maut sansad me, ghar me aa bus-car me/
tab bhala maut se dar ke kahe ruki/
maut aai ta katahu ta marabe karab


E--alag baat ba aaj le seep me/
hamara har ber'' BHAWUK'' ho baloo milal/
par ihe soch ke abhiyo doobal hai/
ak din hum ta moti nikalabe karab
***********




(29)
Anjan shahar bate, anjan saphar bate/
majboor musaphir ba,chalahi ke dahar bate

Har mod pe aake hum gumrah bhale bhaini/
par aas maral naikhe, manjil pa nazar bate

Tab gair rahe lootat , ab aapne lootat ba/
ah desh me sadiyan se, loote ke lahar bate

Matlab ke nikalte hi bartaw badal jata/
phailat ba fija me ab kaisan do jahar bate

Bhai ke musibat me, bhai hi satat naikhe/
ah khoon ke rista me kaisan e kasar bate

''BHAWUK'' ho e jinigi ta, patjhar ke patai ha/
e kalh rahi kahawa, kekara e khabar bate
*********


(30)

Sabase badaka shap garibi
sabase badaka paap garibi

danse umra-bhar,deg-deg par
ban ke'' karait sanp'' garibi

heet-meet ke darsan durlabh
jab se lelas chhap garibi

sadhoo ke bhi chor banawe
hare punya-pratap garibi

janm karj me,mrityu karj me
aisan chapalas chanp garibi

sundar,swasth,saput amiri
jarjar budha baap garibi

je alay ba okara ghar me
pahunche apane aap garibi

sup patakala se na bhagi
rog,daliddar, paap garibi

Gyan bharal sram ke lathi se
bhagi apane aap garibi
*******



(31)


Kant-kush se bharal dahar bate/
Zindagi ke kathin saphar bate

Hokhe khaparail ya mahal hokhe /
Neh bate tabe, u ghar bate

Tit- ya mith je milal hak me/
U ta bhoge ke umra -bhar bate

Sanch puchhi ta hamara geetan par /
Aaj le raure asar bate

Aankh naikhe e char ho pawat /
Lakh BHAWUK milat nazar bate

***********



(32)


Phool hum aas ke aankhin me ugawat bani / lor se sinch ke sapanan ke jiyawat bani

Preet ke reet gazab raura nibhawat bani/ ghat man me ba, magar hath milawat bani

Roop aa rang ke hum chhand me banhat-banhat/
sans par sadh ke ab geet kadhawat bani

Aaj le de na sakal pet ke roti kavita/ tabahu hum geet-ghazal roj banawat bani

Pet me aag ta sunugal ba rahat a ''BHAWUK'' Khud ke lawana ke tare roj jarawat bani

**********

(33)
Man ke chaukath par dhail bate diya ummid ke/
bhukbhukate ba barat ab le diya ummid ke

Roshani ke rah dekhat raat pagal ho gail/
laphlaphate rah gail , yare, diya ummid ke

Sab ujala khat bate bich rahe me mahal/
na jari lagat ba madai ke diya ummid ke

Log kaise oh jagah par ji rahal bate, jaha/
bhor ke naikhe kiran, naikhe diya ummid ke

Man bahut lariyah ha, soche na kawano baat ke/
e ta bate baat par bare diya ummid ke

Zindagi ke har ladai shan se ladate rahab/
pran me jab le jarat bate diya ummid ke

**********


(34)

Hokhe agar jo himmat kuchhuo pahad naikhe
Man me jo than li ta kahawa bahar naikhe

E thik ba ki naiya majhdhar me ba dolat
bakir, kahi e kayar laukat kinar naikhe

Jinigi chale na kabahu sahyog ke bina jab
kaise kaha e- jala kehu hamar naikhe

Kuchh log nik bate tabahi tikal ba dharati
kaise kahi ki kehu par aitbar naikhe

Kabahu ta bhor hoi, kabahu chhati kuhasa
'' BHAWUK'' e maan la tu aage anhar naikhe
*******


(35)
Aman watan ke banal rahe bas/
hawa me thirkan banal rahe bas/
ihe ba khwahis watan ke dharati/
watan ke kan-kan banal rahe bas


Hazar gum bhi sahe ke dum ba/
tohar chahat banal rahe bas/
banal rahi hum hiya me tohara /
hiya ke dhadkan banal rahe bas


Rahe na kehu watan me beghar /
rahe na kehu watan me bhukha/
sabhi ke roti ,sbhi ke kapada/
sabhi ke jeewan banal rahe bas


Najar me dekhat pata laga li/
ki unaka man ke hisab ka ba /
ihe tamanna ba aakhiri bas /
najar ke darpan banal rahe bas


Hajar sapana sajake man me /
nikal padal ba safar me"bhawuk" /
safar ke manjil mile, mile naa/
nayan me sawan banal rahe bas
*********


(36)

Dekhali je baithi ke dariya kinare/
doob ke dekhala pa lagal bhinna,yare

Ghar ke kimat ka hawe, uhe batai/
je rahat phootpath par langate-ughare

Na pare man ghar kabo babuaa ke bhalahi/
roj budhiya bhor me kauaa uchare

Bas kahe ke hum aa u sathe rahile/
sath ka jab pad gail man me darare

khwab me bhi hum kabo sochale na hokhab/
wakt le jai kabo ohu duaare

************

(37)

Nischhal,nirmal,kal-kal,chhal-chhal/
jharna jaisan man de di/
debe ke bate bhagawan ta/
pheru u bachapan de di


Hira-moti, sona-chani/
gadi-bangala na chahi/
bas ago chhat,chhat ke niche/
khula-khula aangan de di


Lipate bhale bhujang, anga vish
vyape na, he ram kabo/
aisan amrit jaisan man/
aa chandan jaisan tan de di


Dil me unka patthar bate/
patthar me bhi kai ba/
ab oh patthar ke jagaha dil/
dil me kuchh dhadakan de di


Lal khoon ba rod pa pasaral/
nila tan ke bhitar ba/
ah aalam me chakra-sudarshan/
leke ab darshan de di


Je hamara ke samajh sake/
hamara ke man se apanawe/
aisan kehoo mile ta hum/
okara ke dil aapan de di

**********


(38)

Hiya me jab dhail gail tani-tani sa baat ke/
Asar bahut-bahut bhail tani-tani sa baat ke

Kahi pa phool khil gail,kahi pa phool jhar gail/
Alag-alag asar bhail tani-tani sa baat ke

Sambhal ke tu kahal kara tani-tani sa baat ke/
ba gaw me dhuaa uthal tani-tani sa baat ke

Je zindagi ke hal-chal umra-bhar likhat rahal/
u raj na samajh sakal tani-tani sa baat ke

E-man bahut mail bhail tani-tani sa baat se/
Bekar me dhoal gail tani-tani sa baat ke
*********


(39)

Lakh roki nigah chal jata/
ka kari man machal machal jata

Rah me bichhlahar ba, kaai ba/
god rah-rah phisal-phisal jata

Roop ke aanch man ke lagat hi/
sans lahakat ba, tan pighal jata

Ke tare geet gaai jinigi ke/
har ghari laya badal-badal jata
******


(40)
Rah ba muskil magar ,aawe ke wada ba-t-ba
Tahre se jab ghar basawe ke irada ba-t-ba


Log chahe kuchh kaho,katano kaho,naikhe pharak
Jan se ah jan ke kimat jiyada ba-t-ba

Dayri ke pristh sab ranginiyat se bhar gail
Hashiya lekha bhale jinigi e sada ba-t-ba

Deh aapan bechiyo ke de saki na sood u
ka karo okra iha roje tagada ba-t-ba

Bas ohi dada ke hum BHAWUK sahi dadagiri
shesh kehu bhalahi apana ghar ke dada ba-t-ba



(41)


Gaajal ba ghare bhakt ke toshak aa rajai
Phutpath pa bhagwan ba kathuaat a bhai

kaluaan ke ghare bhukh se mar jaat ba laika/
laluaan ke ghare roj ba aruaat mithai

aise ta bahut log ke hi neh-chhoh ba
jekara se muhhabat ba u kab prit lagai

majhadhar se hum banch ke aini kinar par/
devas pa bhagawan se bhakhale hoi mai

abahi ta bhail jang ke suruaat ba bhai/
hak na mili jo mang ke ta chhin ke khai


(42)

Ah kadar aaj berojgari bhail/
aadami aadami ke sawari bhail

Pet ke aag se e bhail hadsa/
kehu dakoo ta kehu bhikhari bhail

Aag pratishodh ke kab le bhitar rahit/
aaj khanjar, u bhothar katari bhail

Baat badhate-badhat badh gail ah tare/
ago lutti lahak ke lukari bhail

Rojmarra ke ghatana ba, ab desh ke/
parliyament me gara-gari bhail

Ah siyasi mukhawata ke pichhe chali /
ihawa chuha se billi ke yaari bhail

Kaun mushkil ba satta ke girgit bade /
chhan lutera ,chhane me pujari bhail

Aam janata bagaicha ke chirai niyan /
jahawa rakhawar bhi ba shikari bhail

Log mil mil ke ojhal bhail aankh se /
zindagi jaise ek rail gadi bhail

Nam ake go goonjat ba man -pran me /
jab se "BHAWUK" ho tahara se yaari bhail

(43)

Abki diyaree ke parab aise manawal jaye/
man ke angana me ago deep jarawal jaye


Roshnee gaw me , delhi se le aawal jaye/
kaid sooraj ke ab aajaad karawal jaye


Hindu,Muslim na, Isaae na, Sikkh a bhaee /
apna aulaad ke insaan banawal jaye


Jeme Bhagwan, Khuda,God sabhe sath rahe/
ah tarah ke ago dewaas banawal jaye


Roj diyaree ba kahi, roj kahi bhookhmaree/
kash! jag se a vishamata ke mitawal jaye


Soop,chalanee ke patakala se bhala ka hoi/
shram ke lathee se daliddar ke bhagawal jaye


Lakh rasta ho kathin, lakh door manjil ho/
aas ke phool hi aankhin me ugawal jaye


Aam maural ba, jiya gandh se pagal bate/
a sakhee, a sakhee" BHAWUK" ke bolawal jaye

************



(44)

Ho jaye har gaw-shahar khushhaal/
abki aawe aisan nayaka saal

Roj -roj ke band hoy hadtaal/
badale re badale bharat ke haal

Nyaay mile sabhaka ab a sarkar/
kari aaj se sahi janch-padtaal

Jhum-jhum ke nache magan kisan/
atana ladare jau-gehu ke baal

Aawe re aawe aisan madhumas/
phool khilawe thuth per ke daal

Laute re laute gawan me gaw/
pher jame u sanjha ke chaupaal

Masti me sab gawe mil ke phag/
ude prem ke sagaro rang-gulaal

Bas atane chahat ba a- bhagawan/
sabaka thali me ho roti-daal

Din sona ke aa chandi ke raat/
har aangana me aisan hoy kamal

Bhaiya ke muh se phoote sangeet/
bhauji ke kangana se khanake taal

Paisa-rupiya se thanthan-gopal/
tabahu ''BHAWUK'' dil se malemaal
*********


(45)

Resham ke kida ke tare khudahi banawat jaal ba/
E-aadmi apane bade kahe rachat janjaal ba

Pani ke bahar maut ba, pani ke bhitar jaal ba/
Lachar machhari ka karo jab har kadam par kaal ba

Jhutho ke kahe aankh me kehu bharela lalsa/
Kalho rahe badhal u ,aajo rahat badhaal ba

Kaise rahi, kahawa rahi, e-man bhala sukh-chain se/
badale na halat tab dukhi, badale tabo behaal ba

Aithat ba mandir ke bahar bhikhmanga bhukh se/
mandir ke bhitar jhank li, panda ta malemaal ba

Kehu ke naikhe poot ta kehu ke naikhe nokari/
BHAWUK dhara par aadmi hardam rahal kangaal ba
********


(46)

Kata ke sar je aapan desh ke ijjat bachawale ba/
naman wo poot ke je doodh ke karja sadhawale ba


Bekari, bhookh aa ah digriyan ke lash ke bojha/
jawani me hi ketna log ke budha banawale ba


Kahi tu bhool mat jaiha shahar ke rang me hamake
chale ka ber ghar se e kehoo kiriya khiyawale ba


Samhal ke tu tani kehoo se kariha pyar a''bhawuk'
jaratuaa log ihawo hath me ptthar uthawale ba

*********


(47)

Kabahu likha sakal na taharir zindagi ke /
Kabahu padha sakal na takdir zindagi ke

Hardam rahal adhura chichari para-para ke /
Kabahu khinch sakal na tasvir zindagi ke

Kehu nikhor dele ba ghaw sab puranka /
Aawank me aa rahal na dukh-pir zindagi ke

Jab-jab bharela chhati, sathi ke ghat se, tab /
Dela sakun aakhin ke nir zindagi ke

Dar,dah,hum aa hamita, nafrat ,dular,mamta /
Aisan milal ba ketna janjir zindagi ke

Godi se leke doli ,doli se leke arthi /
Atane me ba samucha tasvir zindagi ke

Tahare bade rahat ba pagal paran '' BHAWUK'' /
Tuhi hiya ke thati , jagir zindagi ke

***** TAHARIR=DASTAWEJ




(48)
Ghaw paki ta phootabe kari/
dard chhati me uthabe kari

bikhbharal baat lagabe kari/
shool aantar me chubhabe kari

khis kab le rakhi aant me/
ak din u dhakachabe kari

Jab shanichara kapare chadhi/
yar,para ta chadhabe kari

Dosti jahawa bate uha/
kuchh shikayat ta rahabe kari

Rah kahiye se dekhat ba je/
u ta rah-rah chihukabe kari

Bate nadan'' BHAWUK''abhi/
rah me girbe-uthabe kari

******


(49)
Aadami je sahaj saral bate/
khoob hamara pasan paral bate

Chhod dihale hansal u anka par/
jab se khud par nazar paral bate

Sukh ke ahsas naikhe ho pawat/
sukh ke saman sab bharal bate

Dukh ke dariyaw se banal badari/
aankh ka rah se jharal bate

Bhar muhe baat je kail na kabo/
aaj hamara pa u dharal bate

Gham badanam ba bhale ''BHAWUK''
paw ta chhaw me jaral bate



***************
(50)

Hamara sange ajeeb karamat ho gail /
Suraj khada ba samne aa raat ho gail

ah mor par hamar e haalaat ho gail /
Khud zindagi bhi baate sawalat ho gail

Prichay hamar poochh rahal ba ghare ke log/
Aisan hamar hay re! awkat ho gail

Jamkal rahit karej me kahiya le e bhla /
Achchhe bhail je dard ke barsat ho gail

BHAWUK ho hamara waaste bate bahut kathin/
Bhitar jahar utar ke sukrat ho gail

**********


(51)
Na rahit jhanjhar madaiya phoos ke/
ghar me aait gham kaise poos ke

Ke kail chori, pata kaise lagi/
chor jab bhai rahi jasoos ke

Aaj u langado daroga ho gail/
dekh li, sarkar jadoo ghoos ke

khwab me bhalahi rahe ago pari/
samne chehra rahe manhoos ke

Je bhi ba, bate banal bargad iha/
pas ke sab per ke ras choos ke

Tuhi na ta zindagi me ka rahi/
chhod ke mat ja a ' bhawuk' roos ke

**********


(52)

Dil me pyare ke biya boaa jab gail/
preet ke tab phasal lahlahaibe kari/
ah tare jo milaihe nazar se nazar/
laj me tan me siharan samaibe kari


Dil ke duio ghari je rakhe kaid me/
u kaha ba kahi jelkhana banal/
dil parinda ha, laika ha, bhagawan ha/
jawana aangan me chahi,u jaibe kari


Phool-kaliyan ke parda me rakh li bhale/
raura khooshaboo ke parda me rakh na sakab/
jhoom ke jab chali kawano pagal hawa/
bhed ghar ke u raura bataibe kari


Lash ke dher par je banat bate ghar/
oke mandir kahi ,chahe masjid kahi/
dewta du ghari na thaharihe uha/
u pishachan ke dera kahaibe kari


Ke jaral,ke maral,ke katal,ke dhasal /
kuchh pata na chalal, mamla dab gail/
ago sajis ke kab le kahab hadsa/
chor kahiyo na kahiyo dharaibe kari


Julm ''BHAWUK'' ho ketna le kehoo sahi/
khoon ke ghoot kahiya le kehoo pihi/
pheru lanka lahakabe-dahakabe kari/
pheru rawan jaraibe-maraibe kari

*************

(53)


Julm ke samne chup rahal/
hum se ihe ta na ho sakal

Ho gail bate sanki mahal/
ab kare ke padi kuchh pahal

bhikhmanga sadak par sutal/
jaise baloo pa machhari padal

sanch ke sath debe bade/
khud se aksar lade ke padal

Jeke patthar me khojat rahi/
u ta dhadakan me hamara milal

Ab ta''BHAWUK'' ho tohra bina/
do kadam bhi ba muskil chalal
********



(54)
Zindagi sawal ha, zindagi jabab ha/
jod aa ghataw ha, sans ke hisab ha

Dhoop chal gail ta ka, roop dhal gail ta ka/
boodh bhail aadmi anubhawi kitab ha

Roopgar sabhe lage umra ke uthan par/
rupasi ke aankh se je chuye sharab ha

Deh ba makan me, dristi ba bagan me/
hosh me rahe kaha, man ta e nabab ha

Aadmi ke swapn ke khel kuchh ajib ba/
ji gail ta zindagi, mar gail ta khwab ha

Heen mat banal kara, deen mat banal kara/
aadami ke janm ta khud ago khitab ha

Dil me tu dhail kara, dil sada ''MANOJ'' ke/
door se baboor e, pass se gulab ha

***********


(55)

Hiya ke peer chhalak ke gazal me aail ba
Tabe sunat ta nayan log ke lorail ba

kabo-kabo u akela me budbudatate
bujhat ba ki bechara bahut chusail ba

Dekhai aaj le hamara na u padal kabahu
hiya me, sans me, dhadakan me je samail ba

Nikal ke aai kabo khwab se hakikat me
paran raure bharosa pa ab tangail ba

shahar kahi na bane gaw apano a'' BHAWUK''
Anjor dekh ke madai bahut derail ba.

*************


(56)

Jinigi ke jakhma, peer, jamana ke ghaat ba
Hamara ghazal me aaj ke duniya ke baat ba

Kauan ke kaw-kaw bagaicha me bhar gail
koil ke kook na kabo katahu sunaat ba

Arthi ke sath baaj rahal dhun biyah ke
Ab ah anet par kehu kahawa sihaat ba

Bhukhe tatat aadmi ke aankh ke juban
kehu se aaj kahawa, a-yare padhaat ba

Samvedana ke lash par kurshi ke god ba
malum na ,e-log ka kaise sahaat ba

BHAWUK na ba hunar ki likhi geet aa ghazal
ka jane kaise baat hiya ke likhaat ba
******


(57)


Baat khul ke kahi, bhail ba ka
Pyar ke rang chadh gail ba ka


Rang chehra ke ba udal kahe??
chor man ke dhara gail ba ka


Hum ta har ghat ke bhula gaini
Raura man me abhi mail ba ka


Aai abahu rahe ke mil-jul ke
zindagi me aur dhail ba ka

*******


(58)

Baat par baat jab man paral hoi/
lor aankhin se ketna jharal hoi

Dosh aankhe pa kahe madhail ha/
kuchh kasar umra ke bhi rahal hoi

Log loote me lagal anere ba
jab u jai ta muththi khulal hoi

Pran jai magar na wachan jai/
kawano jug ke chalan e rahal hoi

Raat me ke ba siskat sunahata me/
jal me kawano machhari phasal hoi

Math par saya ban ke je badari ba/
gham me khud u ketna jaral hoi

Aaj kichad me bhalahi sadat baate/
kalh uhe nu khil ke kamal hoi

Jab basa leni ''BHAWUK'' ke hiyra me/
sath unke jiyal bha mual hoi

*****************




(59)
Ka ba tahara-hamara me/
jinigi prem-kakahara me

Jeet-haar sab dhokha ha/
kuchh naikhe ah jhagara me

Dhan-daulat sab tu le la/
mai hamara bakhara me

chinhi kaise kehu ke/
sau chehara ek chehara me

Gay kasai ke ghar me/
kutiya A.C kamara me

Hamare khatir pagal tu/
aisan ka ba hamara me

Mat mara kankar-patthar/
hamara man ke pokhara me

''BHAWUK'' ke bhi rakha tu/
katahu apana hiyara me
*********

(60)

Zindagi ke taal me sagaro phenkail jaal ba/
ka karo man ke machhariya har kadam par kaal ba


Chhin ke bhagat katora bhikh ke ba aadami/
dekh li sarkar raura raj ke ka haal ba


Tin-chauthai gujarat road par ba zindagi/
tab kahi pagale nu kawano desh e khushhal ba


Na kare ke se karawe kam ah sansar me/
ka kahi ''BHAWUK'' ho aisan pet e chandal ba

******

(61)

Julm ke toophan ke raure kahi, kable sahi/
khud na kahe ban ke toophani hawa ulte bahi

Bhed man ke man me rakhab kab le aise jant ke/
aaj khul ke baat kuchh rauro kahi, hamahu kahi

Ka haraj bate ki khwabe ke hakikat maan ke/
pyar ke dariyaw me kuchh der khatir hum dahi

Ghar basal alage-alag , bakir ka na e ho sake/
raura dil me hum rahi aa hamara me raura rahi

Chhal-kapat aa pap se jekar bharal ba zindagi/
kuchh hunar sikhe bade ta paw hum okaro gahi

Zindagi ke sach se mahrum bate je ghazal/
oh ghazal ke hum bhala'' BHAWUK'' ghazal kaise kahi
***********


(62)


Bachpan ke hamara yad ke darpan kaha gail/
Mai re! apana ghar ke u aangan kaha gail

Khusboo bharal saneh ke upwan kaha gail/
Bhauji ho tahara gaw ke madhuban kaha gail

Khul ke mile-jule ke lakam ab ta na rahal/
Viswas , neh, pyar bharal man kaha gail

Har baat par je roj kahe dost hum hai/
Hamake dubake aaj u aapan kaha gail

Barisat rahe je aankh se hamara bade kabo/
Aakhir u intjar ke sawan kaha gail
*********


(63)
Bhawar me doobiyo ke aadami ubar jala/
mare ke ba ta u dariya kinare mar jala

Pata e ba ki mahal na tike kabo aisan/
tabo ta ret pa buniyad log dhar jala

Jamir chikh ke sau bar roke-tokela/
tabo ta man e behaya gunah kar jala

Bahut ba log je maralo ke bad jiyat ba/
bahut ba log je jiyate me, yar, mar jala

Agar jo dil me lagan, chah aa bharosa ba/
kasam se chand bhi angana me tab utar jala

**********


(64)

Ab ta har wakt sang tahare ba/
dil ke kagaz pa rang tahare ba

Je tare man kare uda la tu/
dor tahare , patang tahare ba

Tohase alaga bhala dahab kaise/
dhar tahare , tarang tahare ba

Sach puchha ta hamara ghazalan me/
chhaw tahare ba, dhang tahare ba
**********


(65)

Muhabbat khel ha aisan ki haro jeet lagela /
Bhula jala sabhe kuchh aadami, jab preet lagela


Agar jo pyar se dedee ta mado-bhat kha leni /
Magar jo bhaw na hokhe, mithai teet lagela


Pare jab dant baboo ke, chhipee mai ka kora me/
Aji e baat bachpan ke, mdhur sangeet lagela


Kabo aapan na aapan ho sakal matlab ka duniya me /
Dubawat naw uhe ba je aapan heet lagela


kahanee ke tare poora kari, raure batai na/
Banai chhat jo aapan ta dhahe e bheet lagela


Dukho me dhundh la na rah BHAWUK sukh se jiye ke /
Darad jab rag ban jala ta jinigi geet lagela

********

(66)

Jinigi pahar jaisan lage kabo-kabo
sukhala me badh jaisan lage kabo-kabo

kuchhuo kaha ba aapan,jhutho ke ba bharam
sanso udhar jaisan lage kabo-kabo

sabhkar ba hath pasaral mandir me dekhali
duniya bhikhar jaisan lage kabo-kabo

doli e-deh lage, dulhin e-aatma
jinigi kahar jaisan lage kabo-kabo

hokhe mahal ya madai par pyar ke bina
sagaro ujad jaisan lage kabo-kabo

jahiya se neh lagal"BHAWUK" ke geet se
nafarat dular jaisan lage kabo-kabo

(67)

Ya ta parbat bane ya ta jannat bane
Zindagi ke ihe doogo soorat bane

khwab kawano tarashi kabo yar hum
Baat ka ba je tahare u moorat bane

Dil ke pinjara me kaidi banal khwab ke
ka pata kab rihai ke soorat bane

Man ke sab saadh poora na hokhe kabo
sai go sapana me ago hakikat bane

Sab gila bhool ke hath me hath la
ka pata kab aa kekar jarurat bane
********

2 comments:

Anonymous said...

Hi, after reaԁing thіs remarkable piece of wrіting i am аs well haρpу to sharе my know-how here with friendѕ.
Look at my page ... Nsx for sale

Anonymous said...

Just wish to say your article is as astounding. The clearness in
your post is just cool and that i could think you're a professional on this subject. Well along with your permission let me to clutch your RSS feed to keep updated with forthcoming post. Thanks one million and please keep up the rewarding work.
Also visit my website : Tibet Travels

Post a Comment

आपन विचार दिही !

 
 
 

disclaimer

This site contains links to other Web sites and blogs. The owner of this blog, however, has no control over the content or privacy practices of those sites and thus cannot be responsible for such content. The author doesn't claim ownership of any article, photos,videos ,songs,or movies posted on this site.it will noway remove the actual track.If the respective copyright owners wish for these contents to be remove, feel free to mail us.
however it is only shown here for the promotion and awareness about bhojpuri.
if u like the contents please buy the original prints of it.

About me

प्रणाम आ नमस्कार सब्बे भोजपुरिया भाई बहिन के हमरा तरफ से!....read more »